PROACADEMY – MIKROTA’LIM | AI

#МасофавийКурс
#AI

🎯 Янги билим, янги имконият!

Жорий йилнинг апрель–май ойларида ишлаб чиқилган «Яширин маълумотларни аниқлаш мақсадида полиграф текширувларини ўтказиш» масофавий (электив) курси амалиётга жорий этилганига кўп бўлмади.

Аммо жорий йил ноябрь ҳолатига келиб, ушбу курсга мустақил равишда ёзилиб, 250 нафардан ортиқ прокуратура органлари ходимлари уни муваффақиятли тамомлади ва ўз малакасини янги босқичга кўтарди.

📌 Қадам ташланди — натижа бор. Янги курслар эса йўлда!

💻 Курсдан локал тармоқлар орқали фойдаланиш мумкин.

Каналга уланиш учун:👇

#Микротаълим
#Cунъийинтеллект

Мазкур видеода гиёҳванд моддалар айланмаси билан боғлиқ жиноятларда экспертиза тайинлаш тартиби ва тарафларнинг ҳаракатларига ҳуқуқий баҳо бериш масалалари ёритилган.

Видеони диққат билан кўринг ва пастдаги тестга жавоб бериб кўринг ✅

Бу сизга амалий кўникмаларни шакллантиришга ёрдам беради.

Каналга уланиш учун:👇

#bilarmidingiz

Х.Сулаймонова номидаги Республика суд экспертиза марказига ишингиз тушганми? Лекин бу марказнинг номи ортида ким турганини билармидингиз?

Бу ном — ҳуқуқ соҳасидаги оддий лавҳа эмас.
Бу ном — адолат, илм ва жасорат билан ўчмас из қолдирган Хадича Сулаймонова шарафига берилган.

Хадича Сулаймонова (1913–1965) — Ўзбекистон ҳуқуқшунослик тарихида алоҳида ўрин эгаллайдиган инсондир:
• Ўзбекистон ССРда хизмат кўрсатган фан арбоби
• Ҳуқуқ фанлари доктори, профессор
• Ўзбекистон Фанлар академиясининг ҳақиқий аъзоси

Ўз ҳаётини бутунлай адолат, қонунчилик ва ҳуқуқий билимга бағишлади.

Меҳнат фаолияти давомида:

• Ўзбекистон ССР Адлия вазири,
• Олий суд раиси,
• Тошкент юридик институти ректори сифатида хизмат қилган.

📚Жуда муҳим — у ўзбек тилида биринчи бўлиб жиноят ҳуқуқи дарслиги яралишида муҳим шахс сифатида гавдаланади.
80 дан ортиқ илмий мақолалар муаллифи сифатида у ҳуқуқий таълим ва амалиётни шакллантиришда пойдевор бўлган.

Бугунги кунда унинг номи Ўзбекистон Республикаси Адлия вазирлиги ҳузуридаги Республика суд экспертиза марказига берилган.
Бу — унинг илмга, ҳуқуққа ва Ватанга қилган хизматларига қўйилган тарихий эҳтиром рамзидир.

Каналга уланиш учун:

#diqqatogohlik #avtosavdo

“Машиналарни 3 кунда олиб келадиган фирмалар”

— “Жойида берсангиз, нарх арзонроқ бўлади!”
— “Складда тайёр турибди, 3 кунда чиқариб берамиз.”
— “ Катта чегирма бундай нархни хеч қаердан топа олмайсиз, ҳозирги нархни ушлаб қолинг.”

❗️ Бу гаплар сизга ҳам танишми?

Орадан бир ой ўтди

— “Автомашиналар йўлга чиқти”,
— “Йўлда келябти”,
— “Кутинг, божхонада турибти. Келишига олиб кетасиз”, дейишади.
— Сўнг… телефон ўчади. Фирма - ёпилган. Пул ва машинанинг тақдири ноъмалум.

Арзон ва ёқимли таклифларни қабул қилишдан олдин ўйлаб кўринг!
Алданиб қолмаслик учун нималарга эътибор қилиш зарур?

1. Ёзма шартномасиз пул тўламанг!
2. Фирманинг юридик манзили, лицензияси, солиқ туловчи сифатида рўйхатдан ўтган ёки ўтмаганлигини текшириб қўринг. Таклиф бераётган инсондан бу хақда сўрашдан тортинманг!
3. Фирма хақида ижтимоий таромоқлардаги шарҳларни (отзыв) ларни ўқинг! Эътибор қилинг шарҳлар ҳар доим ҳам тўғри бўлавермайди, яъни сохта бўлиши мумкин.
4. Танишларингиз, дўстларингиз орасида шу фирма орқали автомашина сотиб олганлар бўлса уларнинг фикрларини тингланг!

Каналга уланиш учун:

#dolzarb #firibgarlik #kredit

“ Дўстим сенинг номингизга кредит олиб турайлик. Озгина қарзим бор шуларни тўлашга зарур эди.
“Ҳаммасини ўзим тўлайман. Сизга ҳеч оғирлиги тушмайди.”
Бир-икки ойга холос!”

❗️ Ишондингиз. Дўстингиз сизни алдмаслигига ишончингиз комил.
❗️ Лекин 3 ойдан сўнг… банк қўнғироқ қилади — кредит бўйича муддати ўтган қарздорлик хақида огоҳлантиради.
Дўстингиз эса — йўқ. Телефони — ўчирилган. Қредитни эса тўлаш керак!

🤔❓Бундай ҳолатда қарзни аслида ким тўлаши керак? Банк олдида ким жавобгар бўлади?

Юридик жиҳатдан — шартнома сизнинг номингизда, демак — қарз ҳам сизники.
Агар дўстингизни олдиндан алдаш нияти бўлган бўлса — бу фирибгарлик (ЖК 168-модда).
Агар буни исботлай олсангиз — у жиноий жавобгарликка тортиши мумкин.
Бироқ, тўланмаган кредит суммасини банк барибир сиздан ундириши мумкин.

Каналга уланиш учун:

#dolzarb #energiyatejamkorlik

🔌 “Электр энергия линиясига тўғридан-тўғри уланиб тураман...”
📉 “Ҳисоблагич ўрнатмагандим ҳали...”
🧾 “Бир-икки ойга шунчаки...”

❗️ Аммо бу шунчаки эмас.
Сиз — электр энергиясини ўғирламоқчисиз.
❓Бу учун қонунда қандай жавобгарлик борлигини биласизми?

Бу ҳаракат энергия ресурсларидан ноқонуний фойдаланиш деб баҳоланиб, маъмурий жавобгарлик қўлланилгандан кейин содир этилган тақдирда, Ўзбекистон Республикаси Жиноят кодекси 185-2 моддаси билан жиноий жавобгарликка тортишга асос бўлади.

Каналга уланиш учун:

#ogohlik #kiberjinoyat

📞 Сизга қўнғироқ бўлди:
– “Ассалому алайкум! Мен банкнинг хавфсизлик бўлими ходимиман. Ҳисобингизда шубҳали операциялар кузатилди. Ҳисобингиз блокланмаслиги учун юборилган 4 хонали кодни айтинг.”

👨‍💻 Код келди. Сиз ишониб, кодни айтдингиз.
💸 10 сония ичида барча маблағ ечиб олинди.

😩 Шунда хаёлда:
– “Пулни ким ечиб олди?”
– “Бу банк ходимими ёки фирибгар?”
– “Энди нима қиламан...?”

🔔 Ҳурматли фуқаро! Бундай ҳолатда дарҳол қуйидагиларни амалга оширинг:

📲 Қўнғироқ ва СМС кодни ўчириб юборманг – бу далил!

🏦 Банкка оғзаки ва ёзма тарзда мурожаат қилинг.

📝 Ариза тайёрлаб, ички ишлар органига тақдим этинг.


Каналга уланиш учун:

#билармидингиз

Гаров — бу қарзни кафолатлаш усули бўлиб, бир шахс ўзининг мол-мулкини ёки унга бўлган ҳуқуқини бошқа шахс олдидаги мажбуриятни таъминлаш учун қўйишидир.

🔐 Агар қарздор мажбуриятини бажармаса, кредитор (гаровга олувчи) гаровга қўйилган мол-мулкдан ўз талабини бошқа кредиторлардан устун равишда қондириш ҳуқуқига эга бўлади.

📌 Мисол: Али банкдан кредит олди ва уни тўлаш учун ўзининг машинасини гаров сифатида қўйди. Агар Али кредитни ўз вақтида тўламаса, банк бу машинани сотиб, ўз пулини қайтариб олиши мумкин — бошқа қарздорлардан устун равишда.

(Ўзбекистон Республикаси Фуқаролик кодекси, 264-модда)

Каналга уланиш учун:

#билармидингиз

Фирибгар ким? У олдиндан олинган пул ёки қимматли буюмларни қайтармасликни қасд қилади. У бошқаларнинг ишончга кириш орқали шахсий манфаатига эришишни мақсад қилади.

Қарздор ким? У ишонч ва масъулият ҳиссини ўзида сақлайди, тўловни бажаришга ҳаракат қилади. Яъни қарзни қайтармасликни қасд қилмайди, вақтинчалик молиявий қийинчилклар туфайли мажбуриятини бажара олмайди.

Каналга уланиш учун: