نتائج الباكلوريا والكونكور … 🚨🚨
اشنو هي النتيجة ديالك فهاد العام ?
صباح الخيرات النخبة
كيف الحال ؟
كلشي مزيان ؟
وصل موسم الحصاد
وصل موسم النتائج
اللحظة اللي كلشي كتسنى فيها
كين اللي غادي افرح ملي ايشوف النتيجة
وكين اللي غادي اتصدم ملي يشوفها
عارف بلي القضية ماشي ساهلة
تشوف النتيجة اللي كنت كطمح ليها كتبخر قدام عينيك
ولكن تيق بيا كينين بزااف ديال الفرص والطرق باش تحققها
مكينش غير طريق وحدة
غالبا انت غادي تكون واحد من هاد الفئات
1)) منجحتيش هاد العام
النصيحة ديالي ليك فهاد الحالة، هي تبدا تخدم من دابا للسنة الماجية، مضيعش الوقت، حاول تخدم على الماكس ديال الأخطاء اللي درت، حاول تراجع الاساسيات ديال المواد اللي المعاملات ديالها طالعين بحال الرياضيات والفيزياء والكيمياء
وبالمناسبة المدارس العليا مكهمهاش شحال من مرة عاودت الباك، قدما كهمها النقطة بشحال خديتيه
حاليا مشات طريقة "حفظ وعرض"، ولا الفهم شي حاجة ضرورية باش تجيب مزيان فالباك، داكشي علاش نصحتك تبدا من داب تراجع الاساسيات، باش العام الجاي تكون ناااضي مزياان
بالتوفيق والله ايسر لك
2)) خرجات ليك الاستدراكية
تيق بيا لا قلت ليك باي بزاف ديال التلاميذ نجحو ب 10 فالو ليا مكرهوش كون غير خرجات لهم الاستدراكية، راه انت قدام واحد الفرصة اللي تقدر تخليك تجيب حتال 12، 13 ولا 14 فالمعدل العام
خصوصا الا كانت جايب 9,5 او الفوق زائد عندك مواد اللي جايب فيهم مزياااان
وفهال الحالة، كنصحك انك تركز بزاااف على المواد اللي النقط ديالها كارثية بالاضافة للمواد اللي المعاملات ديالها طالعة، حينت فالاستدراكية كنختارو احسن نقطة في الدورتين العادية والاستدراكية ولكن ضروري خاص تدخل المواد كاملين ومتجيبش 0 فالاستدراكية (هادشي بالنسبة للمتمدرسين)
انا بالنسبة للمترشحين الاحرار، هادشي كطبق غير فالوطني بوحدو، يعني نقط الجهوي غادي ايكونو ديال الاستدراكية
اذن مازال عندك فرصة من ذهب ماخاصكش ضيعها وخاصك تستغلها وتبدا المراجعة من اليوم واول حاجة دير تخدم امتحانات الدورة العادية ديال هاد السنة وحاول تعرف الاخطاء ديالك وكفاش غادي تستافد منهم
وبالمناسبة المدارس العليا غادي تقبلك بحال جبت الباك فالعادية بحال في الاستدراكية
المهم هو تجيب نقطة مزيااان
وكنتمنى ليك التوفيق
3)) نجحت ولكن بنقطة هابطة بزاااف
اول حاجة مبروك عليك، غير القضية انك تكون نجحت راه ماشي شي حاجة اللي ساهلة
وهنا الى كان الهدف ديالك انك تدخل لشي مدرسة عليا وماتجيبش عتبة الانتقاء ديالها عندك جوج اختيارات
الاختيار الاول : غادي دفع باك ليبر السنة المقبلة ولكن اتركز فيه مزيااان بوحدو متحاولش دير معاه شي حاجة اخرى، حينت راه صعيب وعنداك اصحابليك ساهل وغادي تضطر تغير المسلك ديالك حسب القانون الجديد
(مثلا الا كنت علوم فيزيائية ايخصك دير علوم الحياة والارض)
والا كان الهدف ديالك هو الطب فراه ضروري خاصك دير هاد الاختيار الاول، حينت الطريق الوحيدة لكلية الطب وانك تولي طبيب هي الباك بنقطة مزيانة + النجاح في الكونكور
وكنصحك تبدا الخدمة من دابا، وتدير داكشي اللي نصحت بيه الناس اللي منجحوش وراه كلشي ممكن، هاد العام بزاف معانا ناس جابو باك حر ب 16 ب 17 و حتى ب 18 تبارك الله
الاختيار الثاني : هو تقلب على شي طريق أخرى اللي تقدر توصلك لديك المدرسة اللي بغيتي (مثلا تقرا فلافاك عامين وتدفع الانصا وتمكل فيه 3 سنوات ديال سلك المهندسين …)
وهاد الطريق غادي تكون صعيبة شويا ماشي ساهلة بحال الباك، حينت المدارس كقبلو ناس قلاااا بزاف من مورا عامين ولا 3 سنين
المهم انت دير الاختيار اللي كيناسباك والله ايسر ليك
راه كلشي باقي بين ايديك
تاحاجة ماضاعت، الحلم ديالك ممكن اتحقق مازال
4)) نجحت بنقطة مزيانة
مبروك عليك وتبارك الله وتحياتي ليك
حينت درت شي حاجة اللي قليل التلاميذ هاد السنة اللي وصلو ليها
ولكن واش صافي سالا كلشي؟
لا، مازال ! انت على بعد خطوة وحدة من تحقيق الحلم ديالك وتدخل لديك المدرسة اللي اتخرج منها وتخدم الخدمة ديال الاحلام ديالك
وهاد الخطوة هي الكونكور
واللي غادي تنافس فيها مزيااان مع التلاميذ كاملين باش تسد بلاصتك
شحال ما كنت مختلف عليهم وعارف بزاف ديال الحاجات وموجد مزياان للكونكور شحال ما عندك حظوظ كبيرة باش انك تقبل فديك المدرسة
وكنصيحة مهمة، بدا التحضير ومتعطلش، مازال قدامك شهر كاامل، كاااافي باش توجد فيه لاكثر من كونكور، خاصك غير برنامج ايكون واضح مزيااان وتستمر فيه واحسن حاجة يكون معاك شخص اتبع معاك داكشي
حاول متعطلش بزاااف، الوقت كجري
غادي اوصل شهر 8 وغادي ترتاح مزياااان ان شاء الله من مورا متكون حققت الحلم ديالك
وكنتمنى ليك التوفيق
الا كنت بغيتي تعرف بالضبط اشنو خاصك دير ؟
حضر معانا لحصة توجيهية نجاوبك فيها على جميع الاسئلة ديالك مع الساعة 19:00 ان شاء الله
نخلي ليك الرابط ديالها هنا :
اشنو هي النتيجة ديالك فهاد العام ?
صباح الخيرات النخبة
كيف الحال ؟
كلشي مزيان ؟
وصل موسم الحصاد
وصل موسم النتائج
اللحظة اللي كلشي كتسنى فيها
كين اللي غادي افرح ملي ايشوف النتيجة
وكين اللي غادي اتصدم ملي يشوفها
عارف بلي القضية ماشي ساهلة
تشوف النتيجة اللي كنت كطمح ليها كتبخر قدام عينيك
ولكن تيق بيا كينين بزااف ديال الفرص والطرق باش تحققها
مكينش غير طريق وحدة
غالبا انت غادي تكون واحد من هاد الفئات
1)) منجحتيش هاد العام
النصيحة ديالي ليك فهاد الحالة، هي تبدا تخدم من دابا للسنة الماجية، مضيعش الوقت، حاول تخدم على الماكس ديال الأخطاء اللي درت، حاول تراجع الاساسيات ديال المواد اللي المعاملات ديالها طالعين بحال الرياضيات والفيزياء والكيمياء
وبالمناسبة المدارس العليا مكهمهاش شحال من مرة عاودت الباك، قدما كهمها النقطة بشحال خديتيه
حاليا مشات طريقة "حفظ وعرض"، ولا الفهم شي حاجة ضرورية باش تجيب مزيان فالباك، داكشي علاش نصحتك تبدا من داب تراجع الاساسيات، باش العام الجاي تكون ناااضي مزياان
بالتوفيق والله ايسر لك
2)) خرجات ليك الاستدراكية
تيق بيا لا قلت ليك باي بزاف ديال التلاميذ نجحو ب 10 فالو ليا مكرهوش كون غير خرجات لهم الاستدراكية، راه انت قدام واحد الفرصة اللي تقدر تخليك تجيب حتال 12، 13 ولا 14 فالمعدل العام
خصوصا الا كانت جايب 9,5 او الفوق زائد عندك مواد اللي جايب فيهم مزياااان
وفهال الحالة، كنصحك انك تركز بزاااف على المواد اللي النقط ديالها كارثية بالاضافة للمواد اللي المعاملات ديالها طالعة، حينت فالاستدراكية كنختارو احسن نقطة في الدورتين العادية والاستدراكية ولكن ضروري خاص تدخل المواد كاملين ومتجيبش 0 فالاستدراكية (هادشي بالنسبة للمتمدرسين)
انا بالنسبة للمترشحين الاحرار، هادشي كطبق غير فالوطني بوحدو، يعني نقط الجهوي غادي ايكونو ديال الاستدراكية
اذن مازال عندك فرصة من ذهب ماخاصكش ضيعها وخاصك تستغلها وتبدا المراجعة من اليوم واول حاجة دير تخدم امتحانات الدورة العادية ديال هاد السنة وحاول تعرف الاخطاء ديالك وكفاش غادي تستافد منهم
وبالمناسبة المدارس العليا غادي تقبلك بحال جبت الباك فالعادية بحال في الاستدراكية
المهم هو تجيب نقطة مزيااان
وكنتمنى ليك التوفيق
3)) نجحت ولكن بنقطة هابطة بزاااف
اول حاجة مبروك عليك، غير القضية انك تكون نجحت راه ماشي شي حاجة اللي ساهلة
وهنا الى كان الهدف ديالك انك تدخل لشي مدرسة عليا وماتجيبش عتبة الانتقاء ديالها عندك جوج اختيارات
الاختيار الاول : غادي دفع باك ليبر السنة المقبلة ولكن اتركز فيه مزيااان بوحدو متحاولش دير معاه شي حاجة اخرى، حينت راه صعيب وعنداك اصحابليك ساهل وغادي تضطر تغير المسلك ديالك حسب القانون الجديد
(مثلا الا كنت علوم فيزيائية ايخصك دير علوم الحياة والارض)
والا كان الهدف ديالك هو الطب فراه ضروري خاصك دير هاد الاختيار الاول، حينت الطريق الوحيدة لكلية الطب وانك تولي طبيب هي الباك بنقطة مزيانة + النجاح في الكونكور
وكنصحك تبدا الخدمة من دابا، وتدير داكشي اللي نصحت بيه الناس اللي منجحوش وراه كلشي ممكن، هاد العام بزاف معانا ناس جابو باك حر ب 16 ب 17 و حتى ب 18 تبارك الله
الاختيار الثاني : هو تقلب على شي طريق أخرى اللي تقدر توصلك لديك المدرسة اللي بغيتي (مثلا تقرا فلافاك عامين وتدفع الانصا وتمكل فيه 3 سنوات ديال سلك المهندسين …)
وهاد الطريق غادي تكون صعيبة شويا ماشي ساهلة بحال الباك، حينت المدارس كقبلو ناس قلاااا بزاف من مورا عامين ولا 3 سنين
المهم انت دير الاختيار اللي كيناسباك والله ايسر ليك
راه كلشي باقي بين ايديك
تاحاجة ماضاعت، الحلم ديالك ممكن اتحقق مازال
4)) نجحت بنقطة مزيانة
مبروك عليك وتبارك الله وتحياتي ليك
حينت درت شي حاجة اللي قليل التلاميذ هاد السنة اللي وصلو ليها
ولكن واش صافي سالا كلشي؟
لا، مازال ! انت على بعد خطوة وحدة من تحقيق الحلم ديالك وتدخل لديك المدرسة اللي اتخرج منها وتخدم الخدمة ديال الاحلام ديالك
وهاد الخطوة هي الكونكور
واللي غادي تنافس فيها مزيااان مع التلاميذ كاملين باش تسد بلاصتك
شحال ما كنت مختلف عليهم وعارف بزاف ديال الحاجات وموجد مزياان للكونكور شحال ما عندك حظوظ كبيرة باش انك تقبل فديك المدرسة
وكنصيحة مهمة، بدا التحضير ومتعطلش، مازال قدامك شهر كاامل، كاااافي باش توجد فيه لاكثر من كونكور، خاصك غير برنامج ايكون واضح مزيااان وتستمر فيه واحسن حاجة يكون معاك شخص اتبع معاك داكشي
حاول متعطلش بزاااف، الوقت كجري
غادي اوصل شهر 8 وغادي ترتاح مزياااان ان شاء الله من مورا متكون حققت الحلم ديالك
وكنتمنى ليك التوفيق
الا كنت بغيتي تعرف بالضبط اشنو خاصك دير ؟
حضر معانا لحصة توجيهية نجاوبك فيها على جميع الاسئلة ديالك مع الساعة 19:00 ان شاء الله
نخلي ليك الرابط ديالها هنا :
